मुंबई : मुंबई महापालिका निवडणुकीच्या पार्श्वभूमीवर उद्धव बाळासाहेब ठाकरे यांच्या शिवसेनेकडून (Shivsena UBT) एबी फॉर्म वाटपाला सुरुवात झाली आहे. मातोश्रीवर आजपासून उमेदवारांना बोलावून एबी फॉर्म देण्यात येत असल्याची माहिती सूत्रांनी दिली आहे. उमेदवार यादी जाहीर होण्याआधीच ही हालचाल सुरू झाल्याने, मुंबईच्या राजकारणात मोठी घडामोड मानली जात आहे.
मातोश्रीवर उमेदवारांची गर्दी, आज-उद्या AB फॉर्म वाटप
सूत्रांच्या माहितीनुसार, ठाकरेंच्या शिवसेनेकडून निश्चित करण्यात आलेल्या काही उमेदवारांना मातोश्रीवर बोलावण्यात आलं आहे.
काहींना आज रात्री तर काहींना उद्या AB फॉर्म देऊन अर्ज भरण्याच्या सूचना देण्यात आल्या आहेत.
अधिकृत उमेदवार यादी उद्या जाहीर होण्याची शक्यता असून, त्याआधीच एबी फॉर्म वाटप सुरू झाल्याने निवडणूक रणधुमाळीला वेग आला आहे.
ठाकरे बंधू एकत्र, मनसेसोबत युती
मुंबई महापालिका निवडणुकीसाठी उद्धव ठाकरे यांची शिवसेना (UBT) आणि राज ठाकरे यांची मनसे युती करून लढणार आहेत.
ठाकरे बंधू एकत्र आल्यानंतर मलबार हिल विधानसभा मतदारसंघात संयुक्त मेळावा पार पडला.
या बैठकीला शिवसेना UBT आणि मनसेचे पदाधिकारी व कार्यकर्ते मोठ्या संख्येने उपस्थित होते.
दक्षिण मुंबईचे खासदार अरविंद सावंत आणि मनसे नेत्यांनी कार्यकर्त्यांना मार्गदर्शन करत निवडणुकीसाठी सज्ज राहण्याचे आवाहन केले.
राष्ट्रवादी शरद पवार गट ठाकरेंसोबत, काँग्रेस वेगळी
मुंबई महापालिका निवडणुकीत राष्ट्रवादी काँग्रेस शरदचंद्र पवार पक्ष काँग्रेससोबत न जाता ठाकरे बंधूंसोबत युती करणार आहे.
मात्र या युतीत राष्ट्रवादी शरद पवार गटाला फक्त 10 ते 12 जागा मिळण्याची शक्यता असल्याची माहिती आहे.
दुसरीकडे,
- भाजप आणि एकनाथ शिंदे यांची शिवसेना यांचं मोठं आव्हान
- काँग्रेस आणि वंचित बहुजन आघाडी स्वतंत्रपणे एकत्र लढणार
- अजित पवारांची राष्ट्रवादी स्वतंत्रपणे निवडणूक लढवणार असून उमेदवार जाहीर करण्यात आले आहेत
मुंबई महापालिका निवडणूक 2026 : संपूर्ण कार्यक्रम
Mumbai Mahapalika Election Schedule 2026
- 🗓️ नामनिर्देशनपत्र स्वीकारणे : 23 डिसेंबर 2025 ते 30 डिसेंबर 2025
- 🗓️ नामनिर्देशनपत्रांची छाननी : 31 डिसेंबर 2025
- 🗓️ उमेदवारी माघारीची अंतिम मुदत : 02 जानेवारी 2026
- 🗓️ निवडणूक चिन्ह वाटप : 03 जानेवारी 2026
- 🗓️ अंतिम उमेदवारांची यादी : 03 जानेवारी 2026
- 🗳️ मतदानाचा दिनांक : 15 जानेवारी 2026
- 📊 मतमोजणीचा दिनांक : 16 जानेवारी 2026
मुंबई महापालिकेत रंगणार बहुकोनी लढत
227 जागांच्या मुंबई महापालिकेसाठी यंदा बहुकोनी लढत पाहायला मिळणार आहे.
ठाकरे बंधूंची युती, भाजप-शिंदे गटाची ताकद, काँग्रेस-वंचित आघाडी आणि राष्ट्रवादींचे वेगवेगळे गट यामुळे मुंबई महापालिका निवडणूक 2026 अत्यंत चुरशीची ठरणार आहे.
By
By
